ramlal (shyamlal se) – “yaar mujhe meri biwi se chhutkara chaahiye ! mai tang aa gaya hoon … hamesha maili-kuchaili rahti hai, bekar sa khana pakati hai aur jab dekho tab jhagadti rahti hai !”

shyamlal – “kabhi usse pyaar-vyaar karte ho ?”

ramlal – “kaahe ka pyaar … maine to use 2 saal se chhua tak nahi !”

shyamlal – “phir to tumhara kaam aasaan hai … tu ek kaam kar … aaj jaakar usse khoob pyaar kar … aise ki jaise tu usse kabhi naaraaz thaa hee nahi ! dekhna, yeh dekhkar use hairaani se dil ka daura pad jaayega aur woh nipat jaaegi !”

ramlal ko apne dost kee baat jam gai. agali subah usne waisa hee kiya jaisa uske dost ne kahaa thaa.

shaam ko jab wah ghar pahuncha to usne dekha ki ghar ekdam saaf-suthra ho gaya hai, kitchen me se badhiya pakwaanon kee khushbu aa rahi hai aur uski wife badhiya make-up karke achchhe kapde pehan kar uske saamne paani ka glass lekar muskuraate huye khadi hai …

ramlal ne hairaani se yeh sab dekhte huye patni se bola – “yeh kya hua ?”

wife – “tum mere saath tarike se pesh aaoge to kya mai tumhare saath tarike se pesh nahi aaoongi !”